Google ADS

Gundogan: Vihen përballë dy skuadrat që kanë bindur këtë Euro, shpresoj të jemi ne ata që do të vazhdojmë më tej

19:29 | 4 Korrik 2024
D.H

Gjermani-Spanjë do të jetë çerekfinalja e parë e Euro 2024, në atë që cilësohet si një finale para finales pasi luajnë dy kombëtaret pretendente për të triumfuar në fund të këtij kompeticioni.

Që të dyja kanë treguar një futboll mjaft të bukur dhe kanë bindur deri në këtë fazë në Europioanit, por vetëm njëra do të mund të vijojë rrugëtimin në gjysmëfinale, teksa kapiteni i gjermanëve, Ilkay Gundogan pranon se përballja e të premtes në Stuttgart nuk ka favoritë.

“Vihen përballë dy skuadrat që kanë bindur më shumë deri në këtë pikë të Evropianit, dy favorite për të fituar dhe vetëm njëra do të vazhdojë. Do të jetë një sfidë pa favoritë dhe besoj se do të kualifikohet skuadra që do të sillet më mirë në fushë, sidomos në fazën mbrojtëse. Shpresoj të jemi ne ata që do të vazhdojmë më tej”, u shpreh Gundogan.

Gjermani-Spanjë do të startojë të premten në orën 18:00, ndërsa në mbrëmje do të zhvillohet çerekfinalja tjetër, ajo mes Francës dhe Portugalisë./ss

Shpërndaje në rrjete sociale

Lajmet më të lexuara

Të ngjashme

Foto lajm